Spurningar og svör frá Elínu Reed í tilefni undirbúnings fyrir 100 km hlaupið Lappland Ultra 2006, 30. júní. Svör bárust 3. apríl, um þremur mánuðum fyrir HLAUP:
 
1) Hvert er æfingaálagið um þessar mundir?
Svar: Æfingar fyrir tilvonandi 100 km hlaup ganga vel. Álagið er svipað og verið hefur. - Ég tók mér frí frá hlaupunum í 9 daga um mánaðarmótin
feb./mars. Þá daga notaði ég til skíðaiðkunar í Austurríki. Ég taldi það vera ágætis “crossþjálfun” og góð tilbreyting frá hlaupunum, en annað kom á daginn. Að djöflast á svigskíðum marga klst á dag, er mun meira álag á hnéin en að hlaupa 100 á viku. Það tók tvær vikur að komast almennilega í gang aftur eftir að heim var komið. 
 
2) Hvernig er æfingaprógrammið um þessar mundir?

Svar: Annars hefur æfingaprógrammið lítið breyst, nema hvað
sprettæfingarnar hafa dottið út. Kílómetrafjöldin hefur staðið í stað.
Ég hleyp um 100 km/viku. Tvo daga vikunnar hleyp ég bæði fyrir og eftir
vinnu. 
 
3) Hvernig er æfingaáætlunin næstu 3 mánuðina fram að HLAUPINU?
Svar: Æfingaáætlunin næstu 3 mánuði er lauslega á þann veg, að lengja löngu æfingarnar, hlaupa meira á möl og utanvega, fara á Esjuna 1x í viku og skiptast á að hlaupa eina viku létt (70 -80 km) og hina vikuna undir álagi (130 -140 km). Á álagsvikunum verður hlaupið tvisvar á dag, 4 daga vikunnar til þess að dreifa álaginu. Svo er stefnan sett á
Kaupmannahafnarmaraþonið 21.05.
 
4) Hvernig er andleg innstilling á þessum tímapunkti?
Svar: Andleg innstilling er góð um þessar mundir. Engin leiði, engin
meiðsli, bara gaman!