Gunnlaugur Júlíusson, ásamt Halldóri Guðmundssyni, hyggur á þátttöku í tíunda 100 km hlaupinu sem fram fer í Oðinsvé, í Danmörku,  
27. maí næstkomandi. Aðspurður hafði hann, meðal annars, þetta að segja um æfingar í þátíð, nútíð og náinni framtíð, 18. apríl, 
rúmum mánuði fyrir hlaup:
 
Ég hef ekki verið í miklum átökum að undanförnu. Kvefaðist frekar illa í mars og tapaði ca 100 km í þeim mánuði. Hef hlaupið 
75 – 90 km á viku að undanförnu en reynt að hafa hlaupin frekar góð. Er farinn að taka brekkur skipulega. Hef hlaupið nokkrum 
sinnum í vetur milli 40 og 50 km samfellt og það gengið mjög vel. Er að reyna að róa mig aðeins niður fyrir London sem verður n.k. 
sunnudag. Eftir það verður Þingvallavatnshringurinn þann 29. apr og síðan töluvert álag fram undir miðjan maí. Ætla að taka a.m.k. 
eina langa viku eða um 150 km. Andleg instilling er mjög góð um þessar mundir. Ætla að láta á það reyna hvort maður geti ekki 
komist þokkalega í gegnum 100 km hlaup  án þess að leggja á sig brjálæðislegt æfingaálag. Það er allt í góðu lagi með skrokkinn, 
engin meiðsli eða eymsli. Ég er ímiklu flatara æfingaprógrammi nú en í fyrra en er farinn að hugsa það skipulega fram í ágústlok.