Spurningar og svör frá Halldóri Guðmundssyni í tilefni undirbúnings fyrir 100 km hlaupinu sem fram fer í Oðinsvé, 
í Danmörku, 27. maí næstkomandi, Svör bárust 23. apríl, um mánuði fyrir HLAUP:
 
1) Hvert er æfingaálagið um þessar mundir?
Svona lítur þetta út (sjá neðar). Hlaup frá áramótum. Ekkert svakalegt og frí um 
páskana. Lengsta vika 106, fimm hlaup frá  43km til 50km.

 
2) Hvernig er æfingaprógrammið um þessar mundir? og




3) Hvernig er æfingaáætlunin næstu 3 mánuðina fram að HLAUPINU?
 
Prógrammið er að hlaupa Þingvallavatnshlaupið næstu helgi og hafa 
þá viku sem á eftir kemur erfiða. Svo slaka ég á. Ég hef tekið miklu meira 
af gæðaæfingum núna, brekkur eru mjög vinsælar og svo er ég hraðari en í 
fyrra. Það sýnir samsvarandi línurit frá því 2005. Ég ætla að haga 
hlaupinu öðruvísi en í fyrra, bera minna á mér og nýta drykkjarstöðvarnar 
betur.
 
 
4) Hvernig er andleg innstilling á þessum tímapunkti?
Ég er mjög afslappaður, kannski einum of. Ég veit núna hvað ég er að 
fara út í en verð stundum að minna mig á hvað þetta var erfitt. Þetta var 
andskoti erfitt!